Ørnarstafetten for 60. gong!
Til helga inviterer Ørnar IL til Ørnarstafett - for sekstiande gong. Sjå litt om historia og korleis det gjekk i 1965. Ikkje gå glipp av jubileumsutgåva, som også er Kretsmeisterskap.
Det vert jubileum for Ørnarstafetten når helgas Kretsmeisterskap i stafett går av stabelen på Voss ski- og tursenter søndag 5. januar. Arrangørane kan melde om solide skiforhold i anlegget, etter dei siste dagane med snøfall. Påmeldingsfristen for arrangementet er fredag 3. januar kl. 21.00. Arrangøren er opptatt av at alle som ynskjer skal få gå stafett. Difor er det viktig at klubbane også informerer og avklarer med arrangøren i forhold til ev. mixlag, umake lag med tanke på alder og antal osb.
Påmelding Ørnarstafetten 2025 - KM og 60 års jubileum!
Hugs at påmeldarane på vere klubbane sine påmeldingsansvarlege for tilgang til påmelding når det er stafett.
Den fyrste Ørnarstafetten gjekk av stabelen på Dugstad sundag 21. mars 1965!
Dette året starta heile 21 lag, og det var ein rein gutastafett.
Det var med lag frå Bergen, Voss, Granvin og Odda.
• I yngste klasse, 12-13 år hadde Ørnar to lag, Viljar hadde tre lag og Voss, Bulken og Bjørgum hadde eit lag kvar til start.
Her vann Ørnar sitt 1.lag, med Ørnar sitt 2.lag på 2.plass og IL Viking på 3.plass.
Ørnar sitt 1.lag besto av Per Magne Kristiansen, Svein Gjeraker og Hallvard Løno
Ørnar sitt 2.lag hadde desse på laget. Sjur Soldal, Jostein Gjeraker og Nils Berge
IL Viking sine løparar var Kjell Grimsæth, Svein Lund og Atle Grung
• Eldste klasse, 14-15 år vart vunne av IL Viking frå Bergen, med Bjørgum IL på 2.plass og IL Ørnar sitt 1.lag på ein 3.plass.
Løparane på IL Viking sitt 1.lag var Tor Lund, Rune Eidsheim og Øyvind Øvrebotten.
Bjørgum IL sine løparar var Fredrik Settevik, Eirik Eikefjord og Håkon Anthun
IL Ørnar sitt 1.lag lag hadde med Sjur Fimland, Malvin Hårklau og Knut Ringheim.
Tidene har endra seg, og det har også Ørnarstafetten. Me i Ørnar er stolte over å kunne arrangere ein stafett med så lange tradisjonar og vonar at mange vil melde seg på til årets jubileumsstafett. Me vil nytta høvet å retta ein stor takk til Voss Sparebank for støtta til stafetten!
Vedlagt resultatliste frå stafetten i 1965.
