Sesongavslutning med NM og finale NC
Den nasjonale langrennsesongen vart avslutta under NM del II og NC finale på Hovden. Våre løparar og dyktige støtteapparat leverte topp prestasjonar nok ein gong.
I helga avslutta våre juniorar ein imponerande sesong med prestasjonar heilt i toppen nok ein gong. Juniorgjengen frå Hordaland har alle stått på for å bli betre og mange har markert seg heilt i toppen under dei nasjonale konkurransane i Molde, Gjøvik, Lygna og nå til slutt Hovden.
Skikretsen sine juniorar har både hatt støtteapparat som er organisert gjennom skigymnas og eit eige støtteapparat gjennom Voss gymnas og Kretslaget i langrenn Hordaland. I dette har både løparar frå Voss gymnas og andre klubbar frå Hordaland hatt eit fantastisk tilbod. Eivind og Kristen gjennom Voss gymnas og Stig Gunnar med det imponerande smøreteamet har bidratt til dei imponerande resultata me har hatt i vinter. Slikt teamarbeid har me ikkje hatt lokalt i hordaland på mange år. Det inspirerer.
Kva skjedde siste helga med NM del II og NC finalane? Jo det vart pallplassar og topprestasjonar der og! Håkon Samnøy Skjeldal vart nummer 3 under finalerennet og nummer 2 i sin årsklasse under 10 km fri (der han også vart nummer 52 i konkurranse med alle juniorar og seniorar). 
Håkon Samnøy Skjeldal (t.v.) vart nummer 2 samanlagt i Norgescupen i M17.
Håvard Andersen og Skage Ringheim Helgaset imponerte med å plassere seg som nummer 9. og 10 i sin årsklasse (m18) under 10 km fri
Ane Sofie Galaaen Røthe(bilde midten)vart nummer 10 på sprinten i k18.
Under finaledagen imponerte Mathea Berget Galleberg som går på skigymnas på Geilo med ein 6. plass under klassisk fellesstarten. Emma Rongve Brattebø i K17 gjorde det også skarpt her med sin 10. plass.
Ellers vise våre juniorar att høgt oppe på resultatlistene også under finalen. Sjå resultata frå alle våre som var med på finalehelga og NM del II
Sjå bilder frå den supre gjengen som har reist rundt å prestert og gleda både seg sjølv og dei rundt seg denne sesongen. 
Kretslaget i langrenn Hordaland hadde ikkje hatt desse opplevingane saman utan våre sponsorar. Håpar dei skjønar kor takknemlige me er og kva det betyr!