Vellukka miljøsamling på Ullsheim!
Med over 50 påmeldte deltakarar vart det ei svært kjekk miljøsamling på Ullsheim i Sogn og Fjordane!
Helga 18.-20.oktober var det miljøsamling på Ullsheim i regi av Markane IL i samarbeid med Sogn og Fjordane Skikrins. Det var svært god deltaking med 55 påmelde i aldersgruppa frå 8 til 16 år frå Nordfjord, Sunnmøre og Sunnfjord var påmelde. Dette er den største miljøsamlinga på mange år.
Hovudtrenar var landslagstrenar Sjur Ole Svarstad i godt trenarsamarbeid med fem noverande og tidlegare elevar ved landslinja i Stryn (Katrine Svarstad Heggdal, Margret Hjelmeset Fragått, Symra Emilia Garverhaugen, Eirik Tvinnereim og Elias Helset) og andre lokale trenarar frå Markane IL.
Helga starta med "bli-kjend"-aktivitetar på fredag medan det laurdag var blant anna rulleski, trening på spenst og styrke, stjerneorientering og alle fekk teste den nye frisbeegolfbana. Helga vart avslutta med tur til Grendasetra på søndag.
Fleire bilder frå samlinga kan du sjå på facebooksida til Skikrinsen:
Frå tidlegare:
Markane IL og Sogn og Fjordane Skikrins arrangerer miljøsamling på Ullsheim 18.-20. oktober 2024! Dette er ei kjekk treningssamling for aktive born og unge inann ski og skiskyting. Som hovudtrenar stiller Sjur Ole Svarstad og han får med seg fleire andre flinke trenarar.
18.-20. oktober 2024 er det duka for miljøsamlig på Ullsheim!
Innbyding: Innbyding miljøsamling Ullsheim
Stad: Ullsheim skistadion
Tidspunkt: fredag 18. oktober kl. 18:00, til søndag 20. oktober kl. 12:00
Trenarar: Hovudtrenar er Sjur Ole Svarstad
Kven for: Born og unge f. 2009-2016
Pris: kr. 400,-
Påmelding via iSonen: Påmelding miljøsamling Ullsheim
Påmeldingsfrist er fredag 11. oktober kl. 23:59
Meir informasjon om samlinga vert sendt til påmeldte deltakarar.