Prosjektstøtte til Skiaktivitet i skulen
Sogn og Fjordane Skikrins har fått støtte frå Sparebanken Vest til prosjektet Skiaktivitet i skulen. Gjennom prosjektet får Skikrinsen moglegheit til å bidra på skidagane til skular i gamle Sogn og Fjordane fylke.
Torsdag 13. juni kunne konstituert banksjef i Sparebanken Vest Førde, Cathia Baarøy, gladeleg dele ut sjekken på 100 000,- kroner til administrasjonssjef i Skikrinsen, Kennet Dvergedal.
- Med støtte frå Sparebanken Vest får vi no moglegheit til å hjelpe lærarar og andre i skulesektoren til å lage kjekke skidagar for born og unge og skape mange gode opplevelsar på ski, seier Dvergedal.
Litt om prosjektet:
I prosjekt Skiaktivitet i skulen ønskjer Sogn og Fjordane Skikrins å hjelpe lærarar i gjennomføring av skidagane ved å tilby kompetanseheving og ressursar på skulen sine skidagar.
Alle skular i gamle Sogn og Fjordane fylke vil bli invitert til å vere med på prosjektet. Hovudsakleg vert prosjektet gjennomført i skianlegg på vinteren, men det er også mogleg å gjennomføre "skidagen" med rulleski utan snø.
Målsetning med prosjektet:
- Kompetanseheving blant lærarar slik at dei skal vere i stand til å skape og fasilitere ei god skiopplæring i grunnskulen
- Auke fysisk aktivitet blant born og unge gjennom morosam aktivitet på ski
Informasjon om prosjektet vert sendt ut hausten 2024 og vert gjennomført vinteren 2024-2025.
Spørsmål om prosjektet kan rettast til Kennet Dvergedal
e-post: kennet.dvergedal@skiforbundet.no
tlf.: 406 36 964